“Əgər ABŞ prezidenti olarsa...”

Azərbaycanlı iş adamı Araz Ağalarov ABŞ-da prezidentliyə əsas namizədlərdən olan Donald Trampla münasibətlərindən danışıb.

Vətəninfo.az-ın məlumatına görə, "Qafqazinfo” Rusiya KİV-nə istinadən xəbər verir ki, Ağalarov amerikalı milyarderlə hələ 2013-cü ildə keçirilən gözəllik yarışmasında tanış olduqlarını, indiyə qədər onunla yaxşı münasibətlərinin olduğunu deyib:

"O, çox yaxşı insandır. İndi başı seçkiqabağı kampaniyaya qarışıb. Lakin Emin onunla bu yaxınlarda Amerikada görüşüb. Donald Tramp Moskvada olanda ölkəmiz, mədəniyyətimiz və insanlarımız haqda çoxlu yaxşı şeylər danışırdı. Rusiya onun çox xoşuna gəlib. O öz müsahibələrində deyir ki, ABŞ prezidenti olarsa, Rusiyada yaxşı dostları olduğunu nəzərə alacaq”.