Fotoqrafı Əsədi ələ verdi

Son vaxtlar Suriya lideri Bəşər Əsəd əleyhinə ən kəskin və prinsipial mövqe Fransa hökuməti tərəfindən sərgilənir. Fransa prezidenti Fransua Olland BMT Baş Assambleyasının Nyu-Yorkda keçirilən sessiyasında da Əsədi sərt tənqid edərək onu cəllad adlandırmışdı.

Strateq.az xarici mətbuata istinadən xəbər verir ki, Fransa indi də Əsədin hərbi cinayətlərini araşdırmağa qərar verib.

Artıq Paris Prokurorluğu Suriyadakı vətəndaş müharibəsindən çəkilmiş fotolar əsasında araşdırma başladıb. Araşdırma 2011-2013-cü illəri əhatə edəcək.

Prokurorluqdan bildiriblər ki, fotoları onlara Suriya Silahlı Qüvvələrinin Sezar psevdonimi ilə tanınan keçmiş hərbi fotoreportyoru təqdim edib.

Sezar Suriyadan 2013-cü ildə qaçıb və özü ilə 55 min fotonu götürüb. Fotolarda Suriydakı vətəndaş müharibəsinin qurbanları və qəddarlıqları əks olunub.

Vətəninfo.az