İlham Əliyev İslamabada gedir

Azərbaycan prezidenti İlham Əliyev İslam Əməkdaşlıq Təşkilatının sammitində iştirak etmək üçün Pakistana səfər edəcək.

Vətəninfo.az Virtualaz.org-a istinadla xəbər verir ki, sammit noybarın 11-də İslamabadda keçiriləcək. Bu, təşkilatın Pakistanın ev sahibliyi ilə keçirilən üçüncü sammitidir.

Diplomatik mənbələr bildiriblər ki, Azərbaycan prezidenti İlham Əliyev sammitə dəvəti qəbul edib.

Həmçinin Səudiyyə kralı Salman, Türkiyə prezidenti Rəcəb Tayyib Ərdoğan, İran prezidenti Həsən Ruhani, Misir prezidenti Abdel Fəttah əl-Sisi, İordaniya kralı Abdalla II, Qətər əmiri şeyx Tamim bin Hamad əl-Tani və digər müsəlman ölkələrinin liderləri sammitə qatılacaqlarını təsdiqləyiblər. Habelə BMT Baş katibi Ban Ki Mun sammitə qatılacaq.