İŞİD-in əlindəki "Toyota" markalı ciplər haradandır?

ABŞ Maliyyə Nazirliyinin antiterror departamenti İŞİD-in əlində niyə bu qədər "Toyota” marakalı cip və pikapın olması ilə maraqlanıb.

Vətəninfo.az Avropa.info-ya istinadla xəbər verir ki, bununla bağlı "Toyota” şirkətinə rəsmi sorğu göndərilib. Avtomobil konsernində bildiriblər ki, onlar "Toyota”ların İŞİD-in əlinə necə düşməsindən xəbərsizdirlər.

"Toyota”nın qaydalarına görə, onun avtomobillərini hərbi məqsədlə modernləşdirmək və maşınların bu işlə məşğul olan şəxslərə satılması qadağandır. Ancaq bununla bərabər, şirkət vasitəçilər yolu ilə satılmış avtomobillərə nəzarət imkanına malik deyil. Suriyanın özünə belə "Toyota”ların satışı 2014-cü ildə dayandırılıb.

"Toyota”dan başqa İŞİD-in əlində "Mitsubishi”, "Hyundai”, "İsuzu” markalı ciplər də var.

ABC News kanalının məlumatına görə, 2014-cü ildə müxalifətə dəstək olaraq ABŞ Dövlət Departamenti suriyalı müxaliflərə 43 "Toyota” markalı cip göndərib. Bundan əlavə, son iki il ərzində şirkətin Sidney zavodunda 800 avtomobil yoxa çıxıb. Ehtimal edilir ki, avtomobillər İŞİD-ə ötürülüb.