İslamı təhqir edən səudiyyəli bloggerə mükafat verildi

Səudiyyə Ərəbistanında 10 il həbsə və 1000 şallaq cəzasına məhkum edilmiş blogger Raif Bədəvi söz azadlığı müdafiəsi sahəsində nailiyyətlərinə görə PEN təşkilatının mükafatına layiq görülüb.

Səudiyyəli bloqqerin yaratdığı "Səudiyyə Ərəbistanının liberal şəbəkəsi" saytında siyasi və dini mövzularda fikir mübadiləsi aparılıb. İnternet səhifəsi 4 il ərazində fəaliyyət göstərib.

Londonda keçirilən mərasim vaxtı təşkilatın İngiltərə bölməsi - "English PEN" Raif Bədəvini "Yazıçı cəsarəti"nə görə təltif edib.

Səudiyyəli bloggerə verilən mükafatı Wikipedianın təsisçisi Cimmi Uels qəbul edib.

Yanvar ayında bloggerə kəsilən cəzanın icrası 50 şallaqdan sonra Bədəvinin səhhətinin pisləşməsi ilə bağlı təxirə salınıb.

Bloggerin işi yanvar ayında vəfat etmiş Səyudiyyə Ərəbistan kralı Abdulla bin Əbdüləziz tərəfindən Ali Məhkəməyə göndərilsə də hakimlər əvvəl çıxarılan hökmü qüvvədə saxlayıb (BBC).