Komitə sədri millət vəkillərinə və jurnalistlərə müraciət etdi

“Bəzən görürsən ki, pensiya hesablanarkən və ya sənədləşmə işləri aparılarkən sonradan ona qayıtmaq mümkün olmur. Yəni, kimsə əmək pensiyası hesablanarkən əmək kitabçasını gec gətirir və bir daha ona yenidən qayıtmaq olmur”. Bunu parlamentin Sosial siyasət komitəsinin aprelin 18-də keçirilən iclasında həmin komitənin sədri Hadi Rəcəbli dilə gətirib.  Komitə sədrinin qeyd etdiyinə görə, yuxarıda qeyd etdiyi məqamlar bəzi problemlərin yaranmasına gətirib çıxarır.
“Ona görə mən komitəmizin üzvlərinə, millət vəkillərinə müraciət edirəm ki, əmək pensiyaları ilə bağlı hansı narahatlıq, narazılıqlar varsa, onlarla bağlı təkliflərini bizə versinlər. Eyni zamanda jurnalist dostlarımdan xahiş edirəm ki, onlar da əmək pensiyaları ilə bağlı hansısa problemləri görürlərsə, həmin məqamlarla əlaqədar bizə öz fikirlərini təkliflərini söyləsinlər.
Çünki biz komitə olaraq əmək pensiyaları ilə bağlı qanunvericiliyə düzəlişlər edirik. Odur ki, biz təkliflərinizi gözləyirik.

Kamil

Vətəninfo.az