Publika.az "Azadlıq” radiosunun erməni xidmətinə istinadən xəbər verir ki, Abramyan istefası ilə əlaqədar bəyanatla çıxış edəcək.

"Mən Respublika Partiyasından çıxmaqla bağlı qərar verdim və sabah bunu bəyan edəcəm”, - deyə Abramyan radioya açıqlamasında bildirib.

O, radionun digər suallarına cavab verməkdən imtina edib.

Respublika Partiyasının təşkilat komitəsinin sədri Ruben Tadevosyan isə radioya açıqlamasında deyib ki, Abramyanın istefa ərizəsi hələ onlara daxil olmayıb.

Qeyd edək ki, Respublika Partiyasının sədri Ermənistan prezidenti Serj Sarkisyandır. O. Abramyan Sarkisyanın sərəncamı ilə ötən il istefaya göndərilib. Onun yerinə "Qazprom”un əməkdaşı Karen Karapetyan gətirilib.