Müdafiə Nazirliyinin Mərkəzi Hərbi Hospitalında nələr baş verir?

Vətəninfo.az-ın elektron ünvanına adlarını çəkməkdən imtina edən Müdafiə Nazirliyinin ehtiyatda olan zabitləri, MN-nin Mərkəzi Hərbi Hospitalın hüquqşunası Etibarlı Canmirzə ilə bağlı maraqlı məlumatlar göndəriblər.
Elektron ünvanımıza göndərilən məlumatda iddia edilir ki, Ehtibarlı Canmirzə  öz işinin öhtəsindən gəlməyi bacarmır, çatana çatır çatmayana daş atır, haqsız iddialar irəli sürərək ehtiyatda olan zabitləri incidir, bütün hərbi həkim komissiyasına müraciət edən hərbiçiləri bezdirib, boğaza yığıb. Məlumatda daha sonra vurğulanır ki, Ehtibalı Canmirzə  haqqına-nahaqqına, həkim komissiyasında ehtiyatda olan polkovnik Vidadi Quliyevlə əlbir olub bütün hamını bezdiriblər.
“Bu barədə məlumatınız olsun və biz keçmiş doyüşçülərə, əlilərə və ehtiyatda olan hərbi qulluqçulara kömək edin. Bu məlumatı incidilən ehtiyatda olan hərbi quluqçular yığılaraq Sizə ünvanlayır ki, bu barədə öz səlahiyətləriniz çərçivəsində tədbir görərək, qeyd etdiyimiz məlumatı işıqlandırasız və bizə kömək edəsiniz”.

Redaksiyadan: Qeyd edək ki. yuxarıda məlumatda iddia edilən fikirlər redaksiyanın elektron ünvanına göndərilən məlumatda səsləndirildiyindən, qarşı tərəfində mövqeini dərc etməyə hazırıq.

Vətəninfo.az