Bunu Rio-de Janeyroda keçirilən 31-ci Yay Olimpiaya Oyunlarında sərbəst güləş yarışlarında Azərbaycana bürünc medal qazandıran Natalya Sinişin qalib gəldikdən sonra döşək üzərində Azərbaycan bayrağını istəyib, lakin ona verilməməsi məsələsinə aydınlıq gətirərkən deyib.

İdmançımız bildirib ki, məsələ heç də kənardan göründüyü və təqdim edildiyi kimi deyil: "Sadəcə, mən qalib gələndən sonra çox az vaxt var idi. Məni dopinq testə aparmaq istəyirdilər. Ona görə də Azərbaycandan olan azarkeşlər mənə bayraq ötürməyə macal tapmadılar. Onlar zalda yuxarıda oturmuşdular və sadəcə bayrağı ötürməyə çatdırmadılar. Təbii ki, təəssüf edirəm".