"Qarabağ" azarkeşlərinə şad xəbər

Avropa Liqasının qrup mərhələsinin sonuncu turunda səfərdə "Anderlext”lə qarşılaşacaq "Qarabağ" daha bir itki ilə üzləşib.

Qol.Az-ın məlumatına görə, komandanın aparıcı futbolçularından olan Riçard Almeyda zədələnib.

Məşq zamanı zədələnən braziliyalı yarımmüdafiəçi bu səbəbdən Premyer Liqamızın ötən turunda "İnter"lə oyunu buraxıb.

Klubun mətbuat xidmətinin rəhbəri Nurlan İbrahimov Qol.Az-a açıqlamasında deyib ki, Almeyda komanda ilə birlikdə Belçikaya aparılacaq. Ancaq onun meydana çıxıb-çıxmayacağı hələlik bilinmir.

Digər zədəli futbolçu Ansi Aqollinin də "Anderlext"lə görüşdə iştirak edib-etməyəcəyi sual altındadır.

Xatırladaq ki, dekabrın 10-u keçiriləcək "Anderlext" - "Qarabağ" matçı saat 00:05-də başlayacaq.