"Azerspace-1" peykinin orbitə buraxılacağı vaxt açıqlandı

“Respublikamızın ilk telekommunikasiya peykinin orbitə çıxarılması artıq sınaq mərhələsindədir”. Lent.az-ın məlumatına görə, bunu jurnalistlərə açıqlamasında rabitə və informasiya texnologiyaları nazirinin müavini İltimas Məmmədov bildirib. Nazir müavini qeyd edib ki, "Azerspace-1" telekommunikasiya peyki artıq hazırdır, üzərində yerüstü sınaq mərhələsi aparılır: “2013-cü ilin yanvar ayında "Azerspace-1" telekommunikasiya peyki orbitə buraxılacaq”.
Xatırladaq ki, “Azərspace-1” telekommunikasiya peykinin istehsalı ABŞ-ın “Orbital Sciences” şirkəti tərəfindən aparılır. Azərbaycanın ilk telekommunikasiya peykinin orbitə çıxarılması nəzərdə tutulub və bu istiqamətdə işlər uğurla həyata keçirilir. İlk peykimiz ABŞ-ın aparıcı peyk istehsalçısı olan “Orbital Sciences Corporation” şirkəti tərəfindən “STAR-2” platforması əsasında hazırlanır.