Publika.az "Obosrevatel” nəşrinə istinadən xəbər verir ki, bu haqda anti-terror məsələləri üzrə Ukrayna Müdafiə Nazirliyinin mətbuat katibi Aleksandr Motuzyanik Kiyevdə brifinqdə bildirib.

Onun sözlərinə görə, diviziyadan Ukraynanın şərqində döyüş əməliyyatlarında istifadə olunacaq. Mətbuat katibi xatırladıb ki, bir gün əvvəl Ukraynanın yoxlama qrupunun işinin ilk nəticələri elan edilib. Qrup Rusiyanın Rostov vilayətinin ərazisini yoxlayırdı.

"Ukrayna sərhədinə yaxın Rusiya Silahlı Qüvvələrinin 150-ci motoatıcı diviziyası fəal şəkildə formalaşdırılır. Ekspertlərin qiymətləndirmələrinə görə, diviziyada 10,5 mindən çox hərbi qulluqçu olacaq. İnspektorlar Novoçerkask ərazisində Rusiya ordusunun böyük artilleriya bölmələrini aşkar ediblər. Ukrayna tərəfi 150-ci diviziyadan Ukrayna ərazilərində istifadə oluna biləcəyini istisna etmir”, - deyə Ukrayna Müdafiə Nazirliyinin nümayəndəsi vurğulayıb.