"Qafqazinfo” "RİA Novosti”yə istinadən xəbər verir ki, bu sözləri Misirin Dövlət Təhlükəsizliyinin sabiq nazir müavini, briqada generalı Fuad Allyam söyləyib.

"Bu ilk növbədə Rusiya ilə münasibətləri yüksək səviyyəyə çatdıran Ərdoğan rejiminə qarşı törədilib”,-deyə general vurğulayıb.

Onun sözlərinə görə, hücum həmçinin Türkiyə hakimiyyətinin bu yaxınlarda ordu, polis və xüsusi xidmət orqanlarının sıralarında təmizləmə aparması ilə əlaqəli ola bilər. Bu təmizləmə nəticəsində bir çox güc strukturlarında mövcud hakimiyyətə qarşı düşməncəsinə yanaşmalar var.

"Ərdoğanın orduya qarşı etdiklərindən sonra Türkiyə hər an partlamağa hazır olan vulkandır”, -deyə o bildirib.