“Twitter”in baş direktoru istefa verib

Dünyanın ən populyar sosial şəbəkələrindən olan “Twitter”in baş direktoru Dik Kostolo vəzifəsindən gedir. Vətəninfo.az-ın məlumatına görə, Modern.az xarici mətbuata istinadən xəbər verir ki, o, iyulun 1-dən artıq baş direktor olmayacaq. Bununla belə, Kostolo şirkətin direktorlar şurasındakı yerini saxlayacaq. “Twitter” miktobloqunun müvəqqəti baş direktoru vəzifəsinə Cek Dorsinin gətiriləcəyi də artıq məlumdur.
“Twitter” 2006-cı ildə ABŞ-ın Kaliforniya ştatında yerlələşən San-Fransisko şəhərində təsis olunub. 2009-cu ilin sentyabrında şirkətə gələn Dik Kostolo öncə əməliyyat direktoru, 2010-cu ildə isə şirkətin öncəki rəhbəri Yeva Uilyamsın gedişindən sonra baş direktor seçilmişdi.