“WhatsApp”la pullarınız oğurlana bilər

Bank kartlarından pul vəsaitlərinin oğurlanmasının yeni vasitəsi icad olunub.

Vizuallent.az-a istinadən xəbər verir ki, bu dəfə bu, populyar "WhatsApp” messenceri vasitəsilə həyata keçirilir.

Sinqapur Banklar Assosiasiyasının mütəxəssisləri bildiriblər ki, smartfon istifadəçilərinin "WhatsApp” əlavəsinin yenilənməsi barədə məlumat altında gizlənmiş virus daxil olur. İstifadəçi əlavənin yenilənməsinə razılıq verdikdə, ondan şəxsi məlumatları, xüsusilə də bank hesablarının daxil edilməsi xahiş olunur.

Bu məlumat virusunu smartfon istifadəçisinə onun vəsaitlərinə daxil olmaq imkanları olan kiber-fırıldaqçılar göndərir.

Bundan başqa, bu virus vasitəsilə cinayətkarlar internetdə alış-veriş edərkən bankların öz müştərilərinə göndərdiyi SMS məlumatları ələ keçirməyə nail olurlar.

Qeyd edək ki, bu virus "Android” əməliyyat sistemli telefonlarda artır. Bunun üçün də "Android” mobil telefon istifadəçiləri olduqca sayıq olmalıdırlar. "WhatsApp”dan pul itkilərindən qaçmaq üçün mütəxəssislər məsləhət görürlər ki, istifadəçilər sertifikatı olmayan proqramlardan uzaq dursunlar.