ABŞ-da yeni qalmaqal - Obamanı müsəlman «kartı» ilə «vururlar»

ABŞ-da Respublikaçılar Partiyasından prezidentliyə namizəd Ben Karson qalmaqallı açıqlaması ilə medianın gündəminə gəlib. Karson bildirib ki, İslam dini ABŞ Konstitusiyası ilə ziddiyyət təşkil edir.

Strateq.az xarici mətbuata istinadən xəbər verir ki, respublikaçı namizəd ABŞ-da müsəlman prezidenti heç vaxt qəbul etməyəcəyini deyib.

O bildirib ki, Obama müsəlmandır, üstəlik amerikalı deyil. Karsonun bu mövqeyini digər qalmaqallı namizəd, milyarder Donald Tramp da dəstəkləyib. 

Ərəb-Amerika İnstitutunun prezidenti Ceyms Zoqbi Karsonun bu açıqlamalarını axmaqlıq adlandırıb. 

Karson və Trampdan başqa Respublikaçılar Partiyasından Ceb Buş, Skott Uoker, Marko Rubio, Rend Pol və Ted Kruz da prezidentlik uğrunda yarışacaq.

Vətəninfo.az