1. Miq.az
  2. Avtomobil yük maşınına və sərnişin avtobusuna çırpılıb: 3 yaralı

Avtomobil yük maşınına və sərnişin avtobusuna çırpılıb: 3 yaralı

Avtomobil yük maşınına və sərnişin avtobusuna çırpılıb: 3 yaralı
Tarix: 21.08.2015 15:30
Baxış sayı: 1480

Bakı-Qazax magistral yolunda qəza baş verib.
Vətəninfo.az "Report"a istinadla xəbər verir ki, hadisə Bakı-Qazax magistral yolunun 263-cü kilometrliyində, Ağdaş rayonunun Yenicə kəndi ərazisində qeydə alınıb.

Bakı şəhər sakini, 1976-cı il təvəllüdlü Cavadov Rafiq Tofiq oğlu "KİA" markalı minik maşını ilə paytaxt istiqamətində hərəkət edərkən qarşı tərəfdən gələn 1978-ci il təvəllüdlü Eminov İbrahim Niyazi oğlunun idarə etdiyi "QAZ 53" markalı yük maşınına çırpılıb.

Sonra "KİA" yoldan çıxaraq Gəncə istiqamətində hərəkət edən 1964-cü il təvəllüdlü Ələsgərov Elman Eldar oğlunun idarə etdiyi "Mercedes" markalı sərnişin avtobusunun yoluna çıxıb və ona çırpılıb.

Qəza nəticəsində "KİA"nın sürücüsü və sərnişini - 1974-cü il təvəllüdlü Bakı şəhər sakini Quliyev Azad Əliyusif oğlu, həmçinin avtobusda olan sərnişin - Bakı şəhər sakini 1994-cü il təvəllüdlü Əsədov Elvin Nizami oğlu xəsarət alıb. Onlar dərhal Ağdaş Rayon Mərkəzi xəstəxanasına aparılıb. Hazırda yaralıların vəziyyəti orta-ağır olaraq qalmaqdadır.

Qəzanın səbəbləri ekspertizanın rəyindən sonra məlum olacaq.

Faktla bağlı araşdırma aparılır.



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az