“Azərbaycan görüntü naminə milyardlar israf edir” - Sarkisyan

Ermənistan prezidenti Serj Sarkisyan 3-4 ildən sonra regionda situasiyanın kardinal şəkildə dəyişəcəyini deyib. “Qafqazinfo”nun erməni KİV-nə istinadən verdiyi xəbərə görə, Sarkisyan Ermənistanı buna hazır olmağa çağırıb: 

“Ekspertlər 2-3 ildən sonra Azərbaycanda qaçılmaz fiasko olacağını proqnozlaşdırırlar. Klassik diktatura yolu ilə gedərək Azərbaycan hökuməti öz xalqında ermənilərin simasına düşmən obrazı formalaşdırırlar”. 

Ermənistan prezidenti həmçinin bildirib ki, neft və qaz hasilatının xroniki şəkildə azalması şəraitində Azərbaycan hökuməti, hətta düşmənlərinin belə təsəvür edə bilməyəcəyi qədər büdcə vəsaitlərini xərcləməyə davam edirlər:

“Vəsaitlər ağlasığımaz sürətlə xərclənir, görüntü naminə nəhəng tikinti layihələrinə, sosial xərclərin maliyyələşdirilməsinə, bir gecəlik alqış üçün dünyanın müxtəlif guşələrində milyardlar israf edilir”.