Azərbaycan, Türkiyə və Gürcüstan prezidentləri Tiflisdə görüşəcəklər

Vətəninfo.az  Virtualaz.org-a istinadən xəbər verir ki, mayın əvvəllərində Tiflisdə Azərbaycan, Türkiyə və Gürcüstan prezidentlərinin iştirakı ilə təhlükəsizlik sammiti olacaq. Bu barədə Gürcüstan prezidenti Georgi Marqvelaşvili bildirib.
G.Marqvelaşvili Gürcüstanın “Maestro” telekanalına müsahibəsində baş nazir İrakli Qaribaşvili ilə münasibətlərinin necə olduğundan danışıb.
“Mənim İrakli ilə işgüzar münasibətlərim var. Həmçinin nazirlərlə də işgüzar münasibətlərim mövcuddur. Biz hazırda çox mühüm məsələlər üzərində işləyirik. Birincisi, ölkəmiz və region üçün çox mühüm olanı mayın əvvəllərində Türkiyə və Azərbaycan prezidentlərinin iştirakı ilə keçiriləcək sammitdir. Bu sammitdə məhz təhlükəsizlik məsələləri müzakirə olunacaq. Həmçinin bizim Avropaya inteqrasiya yolunda apardığımız siyasət mühümdür. Bizim Gürcüstanda gedən proseslərə olduqca işgüzar yanaşmamız var” - deyə prezident bildirib.

Vətəninfo.az