Bakıda "daş yağışı"

Hadisənin başvermə səbəbləri araşdırılır

Bakıda 23 yaşlı gənc bədbəxt hadisə ilə üzləşib.
Milli.az-ın məlumatına görə, Xətai rayonu ərazisində tikilməkdə olan hündürmərtəbəli binalardan birinin qarşısından keçən Bakı sakini Emin Gözəlovun başına həmin tikilidən daş parçaları tökülüb. Hadisə nəticəsində xəsarət alan gənc 1 Saylı Şəhər Kliniki Xəstəxanasına yerləşdirilib. Müayinə zamanı yaralının baş nahiyəsindən zədələndiyi və qolunun sındığı məlum olub.

Hadisə barədə Xətai Rayon Polis İdarəsinin 37-ci Polis Bölməsinə məlumat verilib. Hazırda bölmənin əməkdaşları tərəfindən hadisənin başvermə səbəbləri araşdırılır.

Vətəninfo.az