Bank rəhbəri həbs edildi

Qafqaz İnkişaf Bankı Müşahidə Şurasının sədri Eldar İsmayılov DİN-in Mütəşəkkil Cinayətkarlığa Qarşı Mübarizə İdarəsi və Baş Prokuror yanında Korrupsiyaya Qarşı Mübarizə Baş İdarəsinin apardığı birgə istintaqın nəticəsində həbs olunub.

Məlumata görə, E.İsmayılov 24 milyon manat vəsaiti taladığına görə saxlanılıb.
Bildirilir ki, həmin epizodla bağlı daha 12 nəfər istintaqa cəlb olunub və müxtəlif adlara sənədləşdirməklə külli miqdarda vəsait ələ keçirilib. Təkcə bir epizod üzrə bir ofisiantın adına 7 milyon manat pul yazılaraq mənimsənilib (moderator.az).