Bazarlarda reydlər keçiriləcək

Qurban bayramı ərəfəsində dövlət qurumları Bakı və ətraf qəsəbələrdə reydlərə başlayacaq.

Bu barədə Kənd Təsərrüfatı Nazirliyi yanında Dövlət Baytarlıq Xidmətinin rəhbəri Yolçu Xanvəli bildirib.

Onun sözlərinə görə, hər il olduğu kimi bu il də Qurban bayramı ilə bağlı satış məntəqələrində nəzarət tədbirləri həyata keçiriləcək.

Nazirlik rəsmisi bildirib ki, tək bazar, bazarətrafı ərazilərdə satılacaq heyvanlar yox, eləcə də təşkil ediləcək yarmarkalarda , müvafiq qurumlar tərəfindən yaradılmış ayrı-ayrı satış məntəqələrində həm stasionar həm də səyyar formada nəzarət həyata keçiriləcək.

Y. Xanvəli bunun hər il Qurban bayramı ərəfəsində nəzarətdə saxlanan bir məsələ olduğunu da vurğulayıb.

"Bu məsələ hər il nəzarətdə saxlanır. Satış məntəqələrində heyvan kəsilmədən əvvəl gətirilən baytarlıq sənədləri araşdırılacaq bundan sonra satışına icazə veriləcək”.oxu.az