Bərdədə fırtına

Bu gecə Bərdə rayonunda güclü külək müşahidə edilib.

Külək bir çox fəsadlara yol açıb. Anspress-in məlumatına görə, gecə saatlarından başlayan külək rayonda elektrik naqillərinə ciddi ziyan vurub. Bəzi evlərin qapı-pəncərələri sınıb.
Güclü külək rayon sakini Vəli Məlikova məxsus evin həyətindəki iri tut ağacını aşırıb. Ağac evin üstünə aşıb. Nəticədə Vəli Məlikovun evinin damı uçub.
Xoşbəxtlikdən hadisə zamanı xəsarət alan olmayıb. Lakin evin damı tamam dağılıb.
Qəza nəticəsində aşan ağac Vəli Məlikovun evi ilə yanaşı onun qonşusunun evinə də zərər vurub.
Hazırda hadisə yerində araşdırma aparılır.

Vətəninfo.az