“Birlikdə böyüdüyüm sima”

ABŞ-da bir qadın ölən qardaşının üzünün köçürüldüyü adamla görüşüb.

Aversanonun 21 yaşlı qardaşı Coşua 3 il öncə yol keçərkən qəzaya uğrayıb dünyasını dəyişmişdi. Oğlunu itirən ailə onun üzünü Riçard Norrisə bağışlamışdı.
Virciniyada yaşayan Norris 1997-ci ildə qəzaya uğrayanda 22 yaşı var idi. O, qəzadan sonra tanınmaz hala gələn simasını düzəltmək üçün 30-dan çox əməliyyat keçirib. Ancaq bu əməliyyatlarda nəzərə çarpacaq bir uğur əldə edə bilməyib.
Yaxın vaxtlarda Merilend Universitetində tarixin ən çətin əməliyyatlarından biri həyata keçirilib. Norrisə diş, çənə, dil və sinirlər köçürülüb. Əməliyyat 36 saat davam edib. İndi 39 yaşı olan Norris mərhumun bacısı Aversano ilə görüşüb. Aversanonun Norrisə dediyi ilk söz “Toxuna bilərəm?” olub. Daha sonra xanım Norrisə sarılaraq “Birlikdə böyüdüyüm sima”, - deyib.
Axar.az