"Bizim ailədə qısqanclıq yoxdur"

Müğənni Xuraman Şuşalı yay istirahətini yarımçıq qoyub, təcili Bakıya qayıdıb.

Sənətçi oğlunun səhhətinin pisləşdiyini deyib:
"Böyük oğlumun allergiyası var. Orada onu arı sancdı, səhhəti pisləşdi. Dərhal Bakıya qayıtmalı olduq. Müalicə almalıdır. Bu il bölgələrimizdə dincəldim. Hələ də doymamışam. Qax tərəflər çox gözəldir. Xaricə getməyi düşünmürəm. Çünki bizimkilərin getdiyi yer Antalya, Bodrumdur. Orda da günəş vannası qəbul edirsən. Mən bunu edə bilmirəm. Yesuntikidə dincəlmək istəyərdim. Amma balaca oğluma hava dəyişikliyi olmaz. O, yeni doğulanda Yesuntikiyə getmişdik, halı pisləşmişdi. Həkim dedi ki, 1 yaşı tamam olana kimi xaricə getməyin”.
X.Şuşalı qısqanclıqdan da bəhs edib:
"Bizim ailədə qısqanclıq yoxdur. Həyat yoldaşım heç qısqanmır. Hərdən məndə belə hal olur. Amma onu da tez özümdən uzaqlaşdırıram. Üç övladımız var, bizə qısqanclıq yaraşmaz. Birdə ki, qızım atasını çox qısqanır. Elə bu kifayət edir”.