Camışlarını çıxarmaq istədi, özü batdı...

Bu gün günorta saatlarında İmişli rayonunun Mürsəlli kəndində ölümlə nəticələnən bədbəxt hadisə baş verib.

Vətəninfo.az Virtualaz.org-a istinadla xəbər verir ki, Mürsəlli kənd sakini, 1972-ci il təvəllüdlü Əsəd Allahverdi oğlu Cəfərov kəndin ərazisindəki Axmaz adlı göldə batıb.

Ə.Cəfərov bərk istidən qorunmaq üçün suya girib yatmış camışlarını göldən çıxarmaq istəyərkən özü suda boğulub. Yaxınlıqda olan həmkəndliləri Ə.Cəfərovu xilas etmək istəsələr də mümkün olmayıb.

Mərhumun cəsədi FHN-in xilasedici-dalğıcları tərəfindən sudan çıxarılaraq aidiyyəti üzrə təhvil verilib. Faktla bağlı İmişli Rayon Prokurorluğunda araşdırmalara başlanılıb.