Daşkəsəndə avtovağzal var bəyəm

Əhəd Abıyev: “Olmayan şeyi necə qadağan etmək olar?”

Mətbuatda dərc olunan məlumata görə, Daşkəsəndə əhalinin avtobuslarla paytaxt Bakıya gəlişinə manelər törədilir. Xəbərlərdə qeyd olunur ki, buna səbəb “Eurovision” ərəfəsində regionlardan insan axınının Bakıya gəlişinin qarşısını almaqdır. Dərc olunan məlumatlarlabağlı “Vətəninfo.az”a danışan  Daşkəsən rayon İcra Hakimiyyətinin başçısı Əhəd Abıyev dedi  ki, yayılan bu xəbərlərin heç bir əsası yoxdu: “Birincisi, Daşkəsəndə avtovağzal varmı ki, oradan avtobusların gəlişinin də qarşısı alınsın? İkincisi də, əgər belə bir hal varsa konkret danışmaq lazımdır. Kimi Bakıya gəlməyə qoymurlar və bunu hansı sürücü edirsə onun adın və soyadın demək lazımdır”-deyən Ə.Abıyev  onu da dedi ki, bele bir hal baş verməyiv və yoxsa belə dəqiqləşdirilməmiş informasiyalar yaymaqla ancaq öz nüfuzlarına zərbə vururlar.