Eddi İsrafilov yeni kluba icarəyə verilib

Azərbaycan milli komandasının futbolçusu Eddi İsrafilov növbəti mövsümü İspaniyanın "Eybar" klubunda keçirəcək. Müqavilə üzrə "Mursiya"ya məxsus hücumameyilli yarımmüdafiəçi sonradan alına bilməsi şərti ilə 1 illik icarəyə götürülüb.

23 yaşlı oyunçunun təqdimat mərasimi bu gün "Eybar"a məxsus "İpurua" stadionunda baş tutacaq.

Qeyd edək ki, Eddi İsrafilov ötən mövsümü İspaniya La Liqasında yarışan "Qranada"da icarə əsasında keçirib. Klub mövsümü 17-ci pillədə başa vuraraq, Sequndaya enişdən qurtulub. Əvəzində "Qranada" ilə eyni miqdarda - 35 xal toplamış "Eybar" 18-ci yeri tutaraq, aşağı liqaya düşüb.  

"Report"