Erməni əsilli müşavir AK partini qıcıqlandırıb

Türkiyənin hakim partiyasından Baş nazir Əhməd Davudoğlunun erməni əsilli müşaviri Etyen Mahçupyana qarşı etirazlar başlayıb.

Vətəninfo.az xəbər verir ki, Mahçupyanın hakim partiyada rüşvətxorların olduğuna dair açıqlaması AK partinin narazılığına səbəb olub.

Hakim Ədalət və İnkişaf Partiyasından olan millət vəkilləri yeni təyin olunan erməni əsilli müşavir Etyen Mahçupyanın belə bir bəyanatının qəbuledilməz və əxlaqazidd olduğunu bildiriblər.

Qeyd edək ki, oktyabrın 25-də Türkiyənin Baş naziri Əhməd Davudoğlu erməni əsilli jurnalist Etyen Mahçupyanı özünün baş müşaviri təyin edib.