Fətullahçı hakimdən Öcalana əfv

Türkiyə məhkəməsi PKK liderinə qoyulan qadağanı ləğv edib

Türkiyə məhkəməsi PKK terror təşkilatının lideri Abdulla Öcalanın yazdığı kitaba qoyulan qadağanı ləğv edib.

Vətəninfo.az-n məlumatına görə, 30 mindən çox insanın qatili ollan PKK liderinin "Kürdüstanın İnqilab Manifesti: Kürd problemi və Demokratik Beynəlxalq Həlli" adlı kitabına qoyulan qadağanı Diyarbakır 1-ci Sülh Cəza Məhkəməsi ortadan qaldırıb.

Sözügedən kitabın terrorla mübarizə qanununa əsasən yayımı qadağan edilmişdi.

Abdullah Öcalanın vəkili Çingiz Çiçək məhkəməyə müraciət edərək qadağanın ləğv olunmasını istəyib. Məhkəmə də vəkilin tələbini yerinə yetirib.

Məlumata görə, qərarı verən Diyarbəkir 1-ci Sülh Məhkəməsində prosesə baxan hakim daha çox Fətullah Gülən camaatına yaxınlığı ilə bilinir.