Film çəkmək üçün villasını satır

Kırmızıgül 1 milyon türk lirəsini rədd etmişdi.

Vətəninfo.az Ölkə.Az-a istinadla xəbər verir ki, müğənniliyi buraxan tanınmış türkiyəli rejissor və aktyor Mahsun Kırmızıgül yeni ekran əsərini ərsəyə gətirmək üçün villasını satır.

O, qazandığı pulları yenidən kino sənayesinə yatırmağı planlaşdırır. Yeni çəkəcəyi filmi üçün maliyyə axtaran müvəffəqiyyətli rejissor Bahçeköy Saklı Korudakı villasını 5.5 milyon dollara satışa çıxarıb.

1400 kvadrat metrlik sahəni əhatə edən 3 mərtəbəli villada üzmək üçün hovuz, 6 otaq, 2 salon, 4 vanna otağı və sauna var. Xatırladaq ki, Kırmızıgül keçən ay toylardan birində konsert verməsi üçün təklif edilən 1 milyon türk lirəsini rədd etmişdi.

Qeyd edek ki, Kırmızıgül bu ilin fevralında müəllifi oldugu "Möcüze” filminin qala gecəsinə qatılmışdı.