Füzulidə qasırğa olub

Füzuli rayonunda müşahidə olunan güclü külək yaşayış evlərinə ciddi zərər vurub. Vətəninfo.az APA-ya istinadla xəbər verir ki, külək əsasən "Qayıdış-4" məcburi köçkün qəsəbəsində fəsadlar törədib. Qasırğa məcburi köçkünlərə məxsus yaşayış evlərinin damını yararsız hala salmaqla yanaşı, elektrik dirəklərini aşırıb, naqillərini sıradan çıxarıb,  çoxlu ağacı kökündən çıxarıb.
Hazırda qəsəbəyə elektrik enerjisinin, təbii qazın və içməli suyun verilməsində fasilə yaranıb.  Rayon Fövqəladə Hallar Komissiyası dəymiş zərərin araşdırılması və aradan qaldırılması üçün tədbirlər həyata keçirir.