Hacı Nuranın səhhəti ağırlaşıb - Dostlarımla vidalaşdım

Vətəninfo.az Sfera.az-a istinadla xəbər verir ki, Almaniyada "Uniklinika”da müalicəsinə davam edən teleaparıcı Hacı Nuranın səhhəti ağırlaşıb.
Teleaparıcı bu haqda İnstaqram səhifəsində belə yazıb.
"Neçə gündür ki, özümü çox pis hiss edirəm. Gecə-gündüz həkimlər başımın üstündədir, xəstəlik günü-gündən irəliləyir. Halım çox dəyişib, müalicə olunmağa və ağır kimyaterapiyalara dözməyə taqetim qalmayıb. Hələ qabaqda ağır transplantasiya var. Dünən burada dostlarımla vidalaşdım. Bakıdan, Almaniyadan, Avstraliyadan, Belçikadan, Fransadan, Hollandiyadan, İsveçdən və uzaq Rusiyadan gələn, vaxt tapıb məni ziyarət edən dostlarıma çox minnətdaram”.
Qeyd edək ki, H.Nuran xərçəngdən əziyyət çəkir. Uzun müddət Almaniyada müalicə alan aparıcı fevralda Bakıya qayıtmışdı. Ötən ay Almaniyaya müayinəyə gedən Nuranın xəstəliyinin irəlilədiyi bəlli olub.