İŞİD İranlı generalı öldürdü

Vətəninfo. az  “Fars Xəbər” Agentliyinə istinadən xəbər verir ki, İranın Devrim Mühafizləri generallarından Mehti Novruzi İraqın Samara şəhərində İŞİD silahlılarına qarşı döyüşdə İŞİD tərəfindən öldürülüb.
Məlumata görə, Novruzinin cənazəsi İranın Kermanşah şəhərinə gətrilib və bu gün torpağa tapşırılacaq.

Qeyd edək ki, ötən həftə İran ordusunun əsgəri Hüseyin Əhməd Suriyada İŞİD tərəfindən öldürülüb. Hüseyin Əhmədin meyiti İrana gətirilərək Elburuz şəhərindəki İştihad qəsəbəsində torpağa verilib.

Qeyd edək ki, İran molla rejimi əvvəllər İran ordusunun İraq və Suriyada vuruşduğu ilə bağlı xəbərləri inkar edirdi. Ancaq İŞİD-din zühründən sonra İran molla rejimi İraq və Suriyada ordu birliklərinə məxsus hərbiçilərinin olduğunu “müqəddəs məkanları qorumaq” adı qoyaraq özünə haqq qazandırmağa çalışır.

Vətəninfo.az