Qız sənədi imzalayandan sonra aldadıldığını başa düşüb və oğlanı yumruqlamağa başlayıb. Oğlan isə öz növbəsində onu döyüb, qonağını qorxutmaq üçün hüquq-mühafizə orqanlarında işlədiyini və tabe olmasa, başına hər cür iş gələcəyini deyib. Bundan sonra o gənci zorlayıb.

Prikamye sakini qıza bildirib ki, müqavilədə göstərilən 5 milyon rublu ödəməsə, Bereznika rayonunda fahişəliklə məşğul olmağa məcbur olacaq.

Tələbə qız heç kəsə intim xidmət göstərmək niyyətində olmadığını bildirib. Bu zaman hirslənən Dnistryan qızın əlindən sənədlərini alaraq, onu döyüb. Zərərçəkən iki gün bağlı qapılar arxasında qalıb. Əlinə qaçmaq üçün fürsət düşən azərbaycanlı Kristina yataq dəstlərini bir-birinə bağlayaraq binanın eyvanından düşmək istəyərkən 3-cü mərtəbədə yıxılıb və ağır bədən xəsarətləri alıb.

Şikayətdən sonra hüquq-mühafizə orqanları həmin oğlanı həbs ediblər və bu gün ona qarşı rəsmi ittiham irəli sürülüb. O zorlamada, adam oğurluğunda ittiham edilir.

Kristina - 20 yaşlı zorlanan azərbaycanlı qız

Məhkəmə prosesi zamanı məlum olub ki, Kristina proqramçı olan Mixail Dnistryanın aldatdığı ilk qız deyil. 2011-ci ildə o, qonşu rayondan olan qızı eyni üsulla aldadıb və həbs edilib.

Kristina adlı azərbaycanlı isə bu addımı maddi imkansızlıq üzündən atdığını deyib. Onun atası bir neçə il əvvəl, anası isə bu yaxınlarda vəfat edib.

Kristina Bakıda keçirilən Bakı-2015 Avropa Oyunları zamanı könüllülər qrupunun rəhbəri olub.