Məzuniyyətə gəlmiş əsgər yol qəzasında öldü

Bakının Sabunçu rayonu ərazisində ölümlə nəticələnən yol qəzası baş verib.

Rayon Polis İdarəsindən APA-ya verilən məlumata görə, hadisə Ramana qəsəbəsi, Şuşa şəhərciyində qeydə alınıb. 

Qəsəbə sakini, 1993-cü il təvəllüdlü Mahir Məhəmməd oğlu Məmmədov idarə etdiyi “Mercedes” markalı maşını aşırıb. Nəticədə sürücü aldığı xəsarətdən hadisə yerindəcə dünyasını dəyişib.

Hadisə zamanı dünyasını dəyişən M. Məmmədovun əsgər olduğu bildirilir. O, evə məzuniyyətə gəlibmiş. Faktla bağlı araşdırma aparılır.