Milli komandamızın oyunlarının vaxtı dəyişdirildi

Futzal üzrə Azərbaycan millisinin Türkmənistanla keçirəcəyi yoldaşlıq oyunlarının tarixi dəyişdirilib.

Vətəninfo.az-ın Apasport.az-a istinadən məlumatına görə, qarşılaşmalar əvvəlcədən xəbər verildiyindən 1 gün sonra baş tutacaq.

 Belə ki, matçlar avqustun 24-də və 26-da deyil, 25-də və 27-də keçiriləcək. "ABU Arena”da təşkil olunacaq hər iki oyun saat 20:00-da başlayacaq.

 Qeyd edək ki, bu qarşılaşmalar futzal üzrə Avropa çempionatının pley-off mərhələsinın Slovakiya ilə oyunlarına hazırlıq xarakteri daşıyır.