Nərgiz Zakirova ilk dəfə Bakıda çıxış edəcək

Son zamanlar qeyri-adi imici və səsi ilə diqqət çəkən özbək müğənni Nərgiz Zakirova Bakıda çıxış edəcək.

6 dekabrda baş tutacaq konsertdə ifaçı Azərbaycandan olan pərəstişkarlarına "Tı moya nejnost" konsert proqramını təqdim edəcək.

Nərgiz 1970-ci ildə paytaxt Daşkənddə, musiqiçi ailəsində dünyaya gəlib. Anası Luiza Zakirova 60-70-ci illərin estrada musiqisində məşhur müğənni olub və qardaşı Batır Zakirovla duet oxuyub. Atası Pulat Morduxayevisə buxar yəhudilərindən olmuş və Batır Zakirovun ansamblda zərb alətlərində ifa edib.

Bədənindəki döymələri ilə diqqət çəkən cəsur ifaçı Nərgiz 10 ildir ki, Nyu-Yorkda yaşayır. Rusiyada iştirak etdiyi səs yarışmasında səsi və tərzi ilə hər kəsi ovsunlayan Nərgiz Zakirovanın mahnısı "YouTube”da da izlənmə sayında rekord qırıb.

Nərgiz Zakirova Rusiyanın "Qolos-2" musiqi yarışmasında iştirak etməklə populyarlıq qazanıb.

Ölkə.Az