Putin həyat yoldaşından ayrılır?

Mətbuat onun Alina Kabayeva ilə eşq macərasından yazır

Qərb analitikləri hesab edirlər ki, Vladimir Putinin həyat yoldaşından soyuması onun üçün bir sıra problemlər yaradacaq. “Veteninfo.az”ın “ The Guardian” nəşrinə istinadən verdiyi xəbərə görə, Lyudmila Putinanın “monastırda gizlədilməsi” haqda şayiələr onun ərinin reputasiyasına mənfi təsir göstərir. Axı xalq öz liderinin yanında birinci xanımını da görmək istəyir. Yeni seçilmiş prezidentin Alina Kabayeva ilə eşq macərası haqda şayiələr də onun imicinə zərbə vurur. Lakin Vladimir Vladimiroviçin özü dəfələrlə bəyan edib ki, xanımı ilə münasibətləri normaldır və onların ailəsində sülh və sevgi hökm sürür. İctimaiyyətin gözündən həmçinin Putinin son dəfə xanımı ilə bir yerdə 2011-ci ilin payızında görünməsi faktı da yayınmayıb. Xatırladaq ki, Putinin ailəsi efirdə son dəfə görünəndən sonra blogerlər ailədə soyuqluğun hökm sürdüyü qənaətinə gəliblər. Lakin mətbuat bu haqda susmağa üstünlük verir. Qərb analitikləri hesab edirlər ki, Putin təcrid olmanın son həddinə çatıb və hətta yaxınlarını da özündən kənarlaşdırıb.