Salyanda kollektora düşən əlil ölüb

Salyan rayonunda su kollektoruna düşən şəxs dünyasını dəyişib.

1980-ci il təvəllüdlü 2-ci qrup əlil Bəhruz Əsədov Salyan Rayon Mərkəzi Xəstəxanasının reanimasiya şöbəsində ölüb.

Qeyd edək ki, B. Əsədov bu gün səhər saatlarında rayonun Qızılağac kəndində su kollektoruna yıxılıb. B.Əsədovun boğulduğunu görən ətrafdakı şəxslər onu xilas ediblər.

***

Salyan rayonunda 35 yaşlı kişi su kollektoruna düşüb.

Hadisə bu gün səhər saatlarında rayonun Qızılağac kəndində qeydə alınıb. Həmin kəndin sakini, 1980-ci il təvəllüdlü 2-ci qrup əlil Bəhruz Əsədov su kollektorunun yanından keçərkən yıxılaraq suya düşüb. B.Əsədovun boğulduğunu görən ətrafdakı şəxslər onu xilas ediblər. Daha sonra B. Əsədov Salyan Rayon Mərkəzi Xəstəxanasına çatdırıb, reanimasiya şöbəsinə yerləşdirilib.

Onun vəziyyəti orta-ağır qiymətləndirilir(APA).