Şimali Koreya liderinin qardaşı yoxa çıxıb

Şimali Koreya lideri Kim Çen Inın 34 yaşlı qardaşı Kim Çen Çxol haqda 2 gündür heç bir məlumat yoxdur. Vətəninfo.az-ən məlumatına görə, Modern.az Britaniya mətbuatına istinadən xəbər verir ki, mayın 20 və 21-də ingilis müğənnisi Erik Kleptonun Londonda verdiyi konsertlərdə tamaşaçı kimi iştirak edən Çxol bundan sonra yoxa çıxıb. Məlumata görə, Kim Çen Mxol Erik Klepton yaradıclığının pərəstişkarı olub. O, mayın 20-si və 21-də Albert Holl-da Klpetonun verdiyi konsert zamanı kameralara düşüb. Bundan sonra Moskvaya, oradan isə Şimali Koreyanın paytaxtı Pxenyana uçmalı olan Çxol London aeroportunda peyda olmayıb.
Moskva və Pekinin hava limanlarında da Kim Çen Çxol adı şəxsin qeydə alınmadığı bildirilib. Şimali Koreya liderinin qardaşının harada olması ilə bağlı artıq müxtəlif mülahizələr səsləndirilməyə başlanıb.
Şimali Koreyanın lideri Kim Çen Inın 2 qardaşı var. Böyük qardaşı Kim Çen Nam evlidir və uzun illrədir Çinin Makao şəhərində bizneslə məşğuldur. Keçmiş ölkə rəhbəri Kim Çen İr öz varisi kimi ən kiçik oğlu Kim Çen Inı təyin edib.