Tacikistan-Əfqanıstan sərhədində zəlzələ

Tacikistan-Əfqanıstan sərhədi rayonunda 5,7 bal gücündə zəlzələ olub. Bu barədə "Azadlıq” radiosunun tacik bölməsi məlumat verib.

AZƏRTAC ecoportal.ru saytına istinadla xəbər verir ki, tacik seysmoloqlar yeraltı təkanları saat 15:05-də qeydə alıblar. Zəlzələnin episentri Düşənbədən 300 kilometr cənub-şərqdə yerləşib.

Yeraltı təkanlar Əfqanıstan, Hindistan, Pakistan, Qazaxıstan və Özbəkistanda hiss olunub. Zərərçəkənlər haqqında məlumat verilmir.