"Telekanallar o müğənnilərə qadağa qoymalıdır..."

Müğənni Əli Mirəliyevi yenə də özündən çıxarıblar. Sənətçinin əsəbləşməsinə səbəb bəzi həmkarlarının klassik mahnıların sözlərini dəyişdirib oxumasıdır.

Publika.az-a açıqlama verən müğənni ad çəkməsə də, ürəyini belə boşaldıb:
  "Klassik musiqilərimizi elə günə salıb oxuyurlar ki, cin atına minirəm. Sən kimsən axı, mahnıların sözlərini dəyişdirib oxuyursan? Təsəvvür edin, Üzeyir bəyin "Sənsiz" romansını kefləri istədiyi kimi oxuyurlar. Üzeyir bəy o əsərləri Bülbül, Rəşid Behbudov, Müslüm Maqomayev kimi sənətkarlar üçün yazıb. Müslümdən sonra sən kimsən axı, o musiqiləri oxuyub, pis kökə qoyursan?"
  Mirəliyev belə müğənniləri efirə buraxmamağı məsləhət görüb:
  "Telekanallar o müğənnilərə qadağa qoymalıdır, efirdən qovmalıdır. Belə olsa, onlar da özlərini yığışdırarlar".

Vətəninfo.az