Bakıda keçirilən şahmat üzrə Dünya Kubokunda bu gün 1/16 final mərhələsinin tay-brek matçları baş tutacaq.

1/8 finala gedən yolda Azərbaycan millisinin lideri Teymur Rəcəbov da əlavə görüşlərdə mübarizə aparacaq.

Rusiyalı Peter Svidlerlə ilk 2 oyunda qalib müəyyənləşmədiyindən şahmatçılar sürətli oyunda güclünün adına aydınlıq gətirəcəklər. Həmyerlimiz dueldən qələbə ilə ayrılacağı halda Şəhriyar Məmmədyarovla yoluna davam edəcək.

Dünya Kuboku

1/16 final, tay-brek oyunları

Teymur Rəcəbov (Azərbaycan) - Peter Svidler (Rusiya)

İlk 2 oyun: 1:1

Qeyd edək ki, həmyerlilərimizdən Eltac Səfərli və Vasif Durarbəyli birinci, Rauf Məmmədov ikinci, Qədir Hüseynov üçüncü mərhələdə mübarizəni dayandırıb.

Apasport.az