Vatikanla Fransa arasında gərginlik

Vatikan Fransanın təyin etdiyi yeni səfiri homoseksual olduğu üçün təsdiq etmək istəmir. Fransa isə qərarlarının dəyişməyəcəyini açıqlayıb.

Hazırda Vatikan və Fransa arasında ölkənin yeni səfiri səbəbindən gərginlik yaşanır. Fransa hökuməti Vatikan elçisi olaraq homoseksual diplomat Laurent Stefanini seçib. Ancaq normal halda Vatikana yeni təyin olunmuş fövqəladə və səlahiyyətli səfirləri təxminən bir ay içində təsdiqləyərkən, Fransız səfirin təqdimatından üç ay keçsə də, cavab yoxdur.

Fransa hökuməti açıqlama verərək Stefaninin adının geri çəkilməyəcəyini bildirib. Həmçinin, vurğulanır ki, Vatikanın cavabını gözləyirlər.

Bir dəfə çıxışında “Bir insan homoseksualsa və yaxşı niyyətlə Tanrını axtarırsa, mən kiməm ki, onu yarğılayım”,- deyən Papa Francesco, homoseksual hüquqlarına normal yanaşan katolik kilsəsi lideri olaraq tanınır. Ancaq Vatikan hələ homoseksualların hüquqlarını tanımaqdan uzaqdır. Fransa isə Vatikanın etirazına baxmayaraq, 2013-cü ildə homoseksualların evliliyini qanuniləşdirib.

Musavat.com