Xaçmaz poçtunda “prikol” olay

"Azərpoçt” MMC-nin Xaçmaz şöbəsində edilən qanunsuzluğun üstü açılıb.

VİZUAL.az xəbər verir ki, Kamran Həsənov adlı şikayətçi "Facebook” səhifəsində bu faktı yazıb.

Onun sözlərinə görə, ötən ay atası aylıq kommunal xərcləri ödəmək üçün Xaçmazın poçt şöbəsinə gedib: "Aylıq telefon abunəsi qiyməti 3 manat, 20 qəpik olduğu halda 6 manat, 40 qəpik istənilib.

Deyilib ki, keçən ay ödəniş etməyib. Evdə bütün qəbzlər saxlanılır. Qəbzlər göstəriləndən sonra borcun haradan yarandığı aydınlaşdırılıb. Daha bir fakt - atam kommunal borcları ödəyərkən bir daha telefon aylığı kimi yenə 3 manat, 20 qəpik istəyiblər”.

K.Həsənov yazır: "Soruşduqda AzTelekom.net üçün aylıq xidmət avans borcu olduğunu deyiblər. Yəni, atam evdə internet işlətdiyimi düşünərək ödəniş edib. Poçta iki gün get- gəldən sonra aldıqları pulu qaytardılar.

Maraqlıdır ki, bu qurum necə işləyir? Mən AzTelecom abunəçisi olmadığım halda, internetə görə borc yazırlar”.