“Zərvani”lər Kobaniyə gedir

Vətəninfo.az xəbər verir ki, kürd peşmərgələrinin Kobaniyə getmələri üçün İraqın Şimalında mövcud olan  Kürd Muxtariyyatı rəhbəri  Məsud Bərzani muxtariyyatın məclisindən rəsmi razılığın verilməsi üçün müraciət edib. Muxtariyyat məclisi də Bərzaninin yazılı müraciətini müzakirə edərək pəşmərgələrin Türkiyə ərazisindən keçərək Kobaniya getmələrinə razılıq verib. Məlumata görə, Bərzani muxtariyyat məclisindən razılıq alsa da Türkiyə Milli İstibarat Təşkilatı (MİT) ilə də razılaşmalıdı.

Kobaniyə göndəriləcək peşmərgələrin ümumi siyahısı Türkiyə MİT-nə göndərilməlidir. Əgər Kobaniyə göndərilməsi gözlənilən peşmərgələr içərisində PKK terror təşkilatı daxilində əvvəllər Türkiyəyə qarşı vuruşmuş,sonradan PKK-nı tərk edərək peşmərgələrə qoşulan terroristlər olarsa, həmin peşmərgə Türkiyə ərazisinə daxil ola bilməyəcək.   Məlumata görə, artıq Türkiyə İraq sərhəddində peşmərgələr toplanıblar və Türkiyə ərazisinə keçmək üçün Türkiyə tərəfindən razılıq gözləyirlər. Məlumata görə, rəsmi Ankara hələlik 200 kürd peşmərgənin ölkəsindən keçərək Suriya ərazisinə keçmələrinə razılıq verib. Kobaniyə kedən peşmərgə qurupu xüsusi təlim görmüş qurupdu və bu qurup  “Zərvani”lər adlanır.

Vətəninfo.az