113 il əvvəl batan gəmi tapılıb

Kaliforniya ştatında yerləşən San-Fransisko körfəzində 1901-ci il fevralın 22-də batmış “Rio de Janeyro” sərnişin gəmisinin qalıqları tapılıb.

Publika.az-ın məlumatına görə, kapitan Uilyam Uardın səhvi nəticəsində qəzaya uğramış və üzəri qalın gil qatı örtülmüş gəmi batiskafın köməyi ilə San-Fransiskodan cəmi bir kilometr aralıda, dənizin 87 metr dərinliyində aşkarlanıb.

Qeyd edək ki, Çindən ABŞ-a gedən gəmidə 210 sərnişin və heyət üzvü varmış. Onun qayalara çırpılaraq 10 dəqiqə ərzində batması 128 nəfərin ölümünə səbəb olmuşdu. Qəzadan yalnız 82 nəfər salamat qurtara bilmişdi.