2 azərbaycanlı Gürcüstandakı qəzada öldü

Vətəninfo.az  xəbər verir ki, bu gün Gürcüstanda ağır yol-nəqliyyat hadisəsi baş verib. APA-nın Gürcüstan bürosunun məlumatına görə, qəza nəticəsində 2 Azərbaycan vətəndaşı ölüb, 1-i xəsarət alıb. Tiflis Fövqəladə Hallar Xidməti Departamentindən APA-ya verilən məlumata görə, hadisə azərbaycanlıların kompakt yaşadığı Qardabani rayonunun Sarticala kəndi yaxınlığında qeydə alınıb. Gürcüstan vətəndaşı Eldar Bayramovun idarə etdiyi yük avtomobili (treyler) ilə Azərbaycan vətəndaşı Nikolay Əhmədovun idarə etdiyi  AZE 10 CC 520 dövlət nömrə nişanlı BMW markalı avtomobil toqquşub. Nəticədə 35 yaşlı  Nikolay Əhmədov və onun 2 yaşlı övladı ölüb, uşağın anası isə ağır vəziyyətdə xəstəxanaya yerləşdirilib. Hadisə yerinə yol-patrul və fövqəladə hallar xidmətlərinin əməkdaşları, eləcə də təcili yardım maşınları gəlib. Faktla ilə bağlı patrul xidməti və digər qurumlar tərəfindən təhqiqat aparılır.

Vətəninfo.az