“5 manatlıq kofta geyinirik”

Müğənni Sevil və Sevinc bacıları qarderoblarından söz açıblar.

Axşam.az-ın məlumatına görə, sənətçilər geyimləri ilə öyünən həmkarlarınının ünvanına sərt sözlər deyiblər. Əkiz bacılar “Telemaqazin” verilişinə açıqlamasında 5 manatlıq kofta geyindiklərini etiraf ediblər:

“Hər ay anam bizim üçün xaricdən bir çanta dolusu paltar alıb göndərir. Onların qiyməti və ya brendi bizim üçün önəmli deyil. Hətta gedib qiyməti 5 manat olan kofta da almışıq, geyinmişik. Əsas odur ki, əynimizdə gözəl qalıb, yaraşıb. Dəfələrlə olub ki, müğənni ilə mağazaya getmişik, 500 manata libas alıb. Efirdə görəndə isə eşitmişik ki, qiyməti 3 min manat deyir. Əgər bu paltar sənə yaraşmırsa, onu lap on min manata al, nə faydası var ki... Bizim müğənnilər özlərindən çox razıdırlar”.